Asiatesch Horniss

Bei der asiatescher Horniss handelt et sech em eng invasiv friem Spezie, déi aus Asien kënnt a warscheinlech 2004 mat enger Planzeliwwerung aus China a Südfrankräich importéiert gouf. Säitdeem verbreet si sech lues a lues an Europa. Am September 2020 ass dës invasiv Zort fir eng éischte Kéier a Lëtzebuerg gesiicht ginn. Sie ass e bessien méi kleng wéi déi heemesch Horniss, huet een donkele Kierper an opfälleg giel Been.

​

D'Nascht vun der asiatescher Horniss kann ganz imposant an op alle Plazen ze fanne sinn. Et kann een Duerchmiesser vun méi ewéi 1 Meter hunn. Een éischt Nascht ass am Joer 2020 zu Esch a 15 Meter héicht op engem Bam entdeckt ginn.

​

Fir d'Mënschen ass d'asiatesch Horniss net méi geféierlech wéi déi heemesch Horniss, dës huet et éischter op ons heemesch Hunnegbeien ofgesinn.

​

Wann Dir eng asiatesch Horniss oder e Nascht gesitt, kënnt Dir de Natur-Musée per E-mail un vespa@neobiota.lu oder d'Administration de la Nature et des Forêts heiriwwer informéieren.

​

​